Ба худо қасам духъман йакбор дэ мис қарор начуд,

Йу ху қонунандафъи баъдо қонуни кор начуд,
Машам маҷбур дийам кудат шағол маш махирт,
Духъмани шайтӯни ай худъой фақат бийор начуд,
Машам сабро чуд фана ат дадъ начуден дус раҳм,
Машам ай худъой ичэ тар въэ хӯна шикор начуд,
фукам чуд тоқат ғам, ғулӯмйат ху рисқи каам,
На пэ золим на пэ ту аз ху дардъам озор начуд,
Ат нурам сат лап мот духъман фукардафъ сут въот,
Машам ғайрэ ас ту нӯм хурд сипарат шиор начуд,
Машта озодам ху марден, ага хубафъ мис марам,
Машен цӯнд асренанд зид аммо машен тайор начуд,
Фукафъ аз кудак то пир, машанд йи остӯн Помир,
Машам арцӯнд дар ба дар хурдам йҷо дийор начуд,
Вэт фукафъ сенам ху каал Маъруф умедъ кэ ас худъой,
Ага ца туйд мис Алӣ(а) гӯрам ку зулфиқор начуд.