Tojikiston 🇹🇯

САРВАРИ МИЛЛАТ

ШУКРОНА АЗ ИН МЕҲАНУ ИН САРВАРИ МИЛЛАТ,
ДАР РОҲИ САДОҚАТ БА ВАТАН ДАР БАРИ МИЛЛАТ.
ҲАР АНҶУМАНЕ РАФТ, ФАҚАТ КАРД, МУАРРИФ,
ТОҶИКӢ СУХАН ГУФТ, АЗ ИН МИНБАРИ МИЛЛАТ.
ҚОНУНИ ВАТАНДОРӢ БИОМӮХТ, БА ҲАР ФАРД,
БАР ХУРДУ БУЗУРГ БУД, ФАҚАТ ДОВАРИ МИЛЛАТ.
БО ҲАРКӢ ЗАБОН ЁФТ, СУХАН ГУФТ, ЗИ ПОРСӢ,
ДАР ҲАР САФАРАШ БУД, Ӯ НОМОВАРИ МИЛЛАТ.
ОНЕ, КИ ВАРО ЗОД, ЧУН ҲАДЯ БАР ИН МУЛК,
АҲСАН БАР Ӯ БОД, БОДО МОДАРИ МИЛЛАТ.
Иззати Хатлонӣ.
18.05.2026.

ТОҶИКАМ....

Тоҷикам, ҳарфу ҳиҷои ширадорам тоҷикӣ.
Куртаи гулдӯзии ранги баҳорам тоҷикӣ.
Нест, нақши кинаи кас рӯи девори дилам,
Мавҷи савти хандаҳои беғуборам тоҷикӣ.
Ман занам, бо тори мӯ бори латофат мекашам,
Тифлакамро парварам, андар канорам тоҷикӣ.
Ёри човандози ман гоҳе асал, гоҳе дағал,
Бок не, бошад, сиришти поки ёрам тоҷикӣ.
Шоирона меҳр варзам, бар фарози шонаҳош,
Пойандозаш матои интизорам тоҷикӣ.
Рӯи шири ишқ мерезам, шакарҳарфи вафо,
Шеърҳои Ҷавҳарӣ, шабзиндадорам, тоҷикӣ.
ЧАВҲАР САИДНАЗАР