Маалтааны нэһилиэгэр, Ыам ыйын 9 күнүгэр,Аҕа дойду сэриитигэр Кыайыы 79 сылын бэлиэтиир тэрээһиннэр буолан аастылар

🚩🚩🚩🚩🚩🚩🚩
Нэһилиэкпит дьоно- сэргэтэ, тэрилтэлэр, үөрэнээччилэр, иитиллээччилэр сынньалаҥ киин таһыгар парадтаан хааман кэллилэр.
Улуу кыайыы 79 сылыгар аналлаах үөрүүлээх миитиҥҥэ олохторун толук уурбут буойун саллааттарга сүгүрүйэн мүнүүтэлээх тохтобул уонна венок ууруута буолла. Эҕэрдэ тылын этэн нэһилиэк баһылыгын солбуйааччыта Виктория Игнатьева миитини арыйда. Сэрии тулаайаҕа Дора Герасимовна үүнэр ыччакка баҕа санаатын анаата. Мичээр оҕо саадын иитиллээччилэрэ хоһоон этэн, ырыа ыллаан парад митинин киэргэттилэр.
Оскуола, детсад тэрилтэлэрэ буһаран бэлэмнээбит саллаат минньигэс хааһытынан дьону күндүлээтибит.
Ким да умнуллубат, туох да умнуллубат.