НА МІНУЛЫМ ТЫДНІ Ў МУЗЕІ

Навучэнцы Германавіцкай сярэдняй школы наведалі музейны занятак “Сімвалы маёй дзяржавы: герб, сцяг, гімн“ і павялі размову аб тым, што сімвалы дзяржавы адлюстроўваюць палітычную самастойнасць краіны, яе незалежнасць, гісторыю станаўлення і развіцця, нацыянальную самабытнасць. Краіна, якая не зберагае свае святыні, не шануе свой дзяржаўны герб, сцяг і гімн, не вучыць новыя пакаленні разумець і паважаць дзяржаўныя сімвалы, рызыкуе будучыняй свайго народа. Удзельнікі музейнага занятка закранулі таксама пытанні аб гістарычнай сутнасці сімвалаў і іх значэнні ў розныя перыяды гісторыі.