Янина Козловская- Янкович

Грыбы глыбоцкіх лясоў. Грыб-баран. Вельмі рэдкі і вельмі карысны!

Можна пражыць усё жыццё і не знайсці такі грыб. Мне ж пашанцавала! Выправіўся на ровары ў бліжэйшы Лаўрынаўскі лес! Сярэдзіна верасня. Толькі, толькі пайшлі апенькі. Узяў з сабой фотаапарат з надзеяй на каларытныя здымкі, накшталт – дрэва знізу даверху – ўсё ў грыбах! І такія здымкі я здабыў.
Аднак, перад тым як дайсці да месца збору апенек, завітаў у адно месца, дзе па маіх назіраннях магло быць багата белых груздоў і рыжыкаў. Гэты участак – вельмі цяністы. Вялізныя ў абхват яліны, дубы, асіны… Так і сталася – багата рыжыкаў і белых груздоў! Але вынік нулявы! Усё няшчадна сточана чарвямі…
І тут, ледзь не растаптаў! Штосьці не зразумелае, ці то куст з кветкамі, ці то грыб нейкі!