Шунидам ҳар нафас уммат бигуфти ё РасулАллоҳ,

Барои умматат ором нахуфти ё РасулАллоҳ.
Барои уматат ҳар лаҳза бигристиву бигристӣ,
Гуноҳи умматат бо гиря руфти ё РасулАллоҳ.
Шаби Меъроҷ Ҳақ пурсид ки ё Аҳмад чи овардӣ?
Гуноҳи уммат овардам бигуфти ё РасулАллоҳ.
Зи Ҳақ хости ки созад мағфират як як гуноҳи мо,
Ту гуфти уммату уммат бигуфти ё РасулАллоҳ.
Дареғо ки надидам чеҳраи зебои чун моҳат,
Вале бишнидаам чанде ҳадисат ё РасулАллоҳ.
Ман аз имрӯз ба худ қавле диҳам, то охари умрам,
Амал созам ба ҳар як ончи гуфти ё РасулАллоҳ.
СОБИРЧОН НАЗАРОВ