Миҙгелдәр оҙон түгел ул

Миҙгелдәр хәтәр ҡыҫҡа,
Һәр миҙгелдең матурлығын
Күрә белеү оҫталыҡ.
Йәмле йәйҙе оҙатабыҙ
Ҡунаҡ оҙатҡан кеүек,
Көҙгә инәбеҙ шатланып
Көҙҙәрҙә байлыҡ,муллыҡ.
Ҡышты ла ҡаршы алабыҙ
Унда көтә Ҡыш бабай,
Ҡар көрәйбеҙ,тау шыуабыҙ
Ял итергә лә уңай.
Яҙҙы көтөп ярһый күңел
Яҙҙарҙа йәшәү йәме,
Яҙҙарҙа тәүге сәскәләр
Яҙҙа ҡоштарҙың моңо.
Һәр миҙгелдең үҙ йәме
Һәр миҙгелдең үҙ төҫө,
Елдәй елеп уҙа бара
Ғүмерҙең миҙгелдәре.
Закира Ганиева.