НОГАЙ ХАЛКЫМ

Баьри халклардынъ арасында
Сендей баска йок, халкым
Юрегимдинъ басында
Турасынъ сен ок, халкым
Баска эллер, халклар болса
Сен болмасанъ- керек тувыл
Ногай соьзин эситсем-
Сеземен: мен- сенинъ увыл
Куьман-кыпшак бабалары
Алтын орда- элимиз
Ногай ханнынъ тувдыклары
Кенъ далалар- еримиз
Суьйген шоьллер эсимде
Ювсан ийси мен бийлеген,
Данъклы тавлар, йылгалар
Сыйлы Кавказ янга кирген
Йыгылмаган, оьлмеген
Коьп коьрдинъ сен Ногайым
Энди бугуьн солай тур!
Бир соьз сага айтайым:
Баьлелер коьп, саны аз,
Не зат бизге этпеге?
Бизим заман кыйын болса-
Ярамайды доьнмеге
Ногай халкын, тарийхин
Биз сакласак- Аллах саклар
Ногай тилин, аьдетин,
Сиз мутпанъыз, эй яслар!
Намыслы эр - сый коьрер
Динин туткан- Эл тутар
Баска халклар коьп болса
Йойылманъыз, Ногайлар!
Р.В.Ишмухамбетов