Нурия Абдряхимова(Джалатдинов)

Кадер кичәсе турында .

Ул Рамазан аеның 27 нче кичәсендә дигән фикер киң таралган. Чөнки әлеге кичә елның кайсы көненә туры килүе төгәл генә билгеле булмаса да, риваятьләрнең күбесендә Рамазан аеның 27 нче кичәсенә туры килүе ихтимал диелә. Ләкин кайбер галимнәребез бу кичәне Рамазанның соңгы ункөнлегендәге так сандагы кичәләрдән эзләргә куша. Кадер кичәсе билгеләре мондый: ул кичэ бик тыныч кичәләрдән булыр, диелә. Кояш чыкканда, кояшның нуры булмас, дип тә әйтелә. Мөхәммәд пәйгамбәр (аңа Аллаһының сәламе булсын) әйткән: «Рамазан аенда бер кичә бар — ул Кадер кичәсе, бу кичә мең кичәдән дә өстен. Кем дә кем ошбу кичәдә Аллаһы Тәгаләгә зикерләр әйтеп, төннең уртасында торып, тәһәҗҗүд намазларын укып, сәхәр вакытында, дога кылып Аллаһыдан сораса, ул кешенең догалары кабул ителер. Чөнки бу төнне рәхмәт фәрештәләре таң күренә башлауга кадәр бәндәләрнең догаларын кабул итеп, Аллаһка ирештереп торачаклар», – дигән. Бу кичәдә изге гамәлләрнең сәвабы башка кичәләргә караганда бик күпкә артыграк. Пәйгамбәребез (аңа Аллаһының сәламе булсын) әйткән: «Кадер кичәсенә инанып, савабын өмет итеп, гыйбадәт кылганнарның бөтен гөнаһларын Аллаһу Тәгалә кичереп гафу итәр». (әл-Бохари, 1901; Мөслим, 760) Бу изге кичәдә нинди догалар укырга соң? Кадер киче догасы хакында мондый хәдис китерелә. Пәйгамбәребездән (аңа Аллаһының сәламе булсын) Гайшә анабыз (Аллаһ аннан разый булса иде) Кадер кичендә нинди дога укырга икәнен сорый, Аллаһның илчесе аңа бу доганы өйрәткән: «Аллааһүммә иннәкә гәфүввүн түхибүл гәфвә фәгфү гәннии». (Аллаһым! Син гафу итүче, гафу итүне яратасың, мине гафу ит!) Кадер киче намазы Хәдисләрдә, бу кичәдә аерым бер төрле намаз уку тәртибе хакында күрсәтелмәгән. Ләкин кайбер китапларда Кадер кичәсе намазы хакында кайбер аңлатмалар бар. Кадер кичәсе намазы дүрт рәкәгать итеп укыла диелгән: Беренче рәкәгатьтә — бер Фатиха сүрәсе, өч тапкыр» Кадер сүрәсе укыла; Икенче рәкагаттә бер Фатиха һәм өч Ихлас сүрәсе (КулхуАллаһ); Өченче рәкагаттә бер Фатиха һәм өч Кадер сүрәсе; Дүртенче ракагаттә бер Фатиха һәм өч Ихлас (КулхуАллаһ). Бу намазга түбәндәгечә ният кылына: «Йә Рабби! Бу кичә хөрмәтенә, Пәйгамбәребез хөрмәтенә, рәхмәти илаһияң хөрмәтенә минем тәүбәләремне кабул әйлә. Гафуи илаһияңә файзе-илаһияңә вә илаһи изгелеккә катнашлыгы булганнар җөмләсенә керт!». Намаздан соң бер тапкыр: Аллаһү әкбәр, Аллаһү әкбәр. Лә иләһә илаллаһу. Валлаһү әкбәр Аллаһү әкбәр вә лилләһил хәмд. Йөз тапкыр: «Аллааһүммә иннәкә гәфүввүн түхибүл гәфвә фәгфү гәннии» — укыла. Кадер сүрәсе: Әгүзү билләһи минәш-шәйтаанир-раҗиим. Бисмилләәһир-рахмәәнир-рахиим. 1). Иннә әннзәлнәһу фии ләйләтил қадр. 2). Уә мәә әдракә мә ләйләтул қадр. 3). Ләйләтул кадри хайрумм-мин әлфи шәһр. 4). Тәнәззәлүл мәләәәә-икәту уәррууху фииһә би изни раббиһим минн кулли әмръ. 5). Сәләәмун һийә хәттә мәтъләгил фәҗр. Татарча мәгънәсе: 1). Хакыйкаттә, Без аны (Изге Коръәнне) Кадер кичәсендә иңдердек. 2). Кадер кичәсенең нәрсә икәнен син беләсеңме? 3). Кадер кичәсе мең айдан да хәерлерәктер. 4). Ул көндә фәрештәләр һәм Изге Рух (Җәбраил фәрештә), Раббыларының рөхсәте белән Аның әмерләрен үтәр өчен, бер-бер артлы җир йөзенә иңеп кенә торырлар. 5). Кадер кичәсе — ул иминлек кичәсе — таң ата башлаганга чаклы дәвам итәр» («Кадер» сурэсе).

Мәрхүм әти-әниләр өчен Коръән уку һәм дога кылу үрнәге.

Әгуүзү билләәһи минәш-шәйтаанир-раҗиим. Бисмилләәһир-рахмәәнир-рахиим. Әлхәмдүлилләһи Раббиль гәләәмиин. Әррахмәәнир-рахииим. Мәәлики йәүмидииин. Иййәәкә нәгъбүдү вә иййәәкә нәстәгыйин. Иһдинәс сыйрааталь мүстәкыйм. Сыйраталь ләзиинә әнгамтә гәләйһим гайрил мәгдууби гәләйһим вә ләд дааааааллиииин. Әәмиин. Бисмилләәһир-рахмәәнир-рахиим. Куль һүвәллааһу әхәде. Аллааһүс самәд. Ләм йәлиде вә ләм йүүләде. Вә ләм йәкүлләһүү күфүвән әхәде. (3 тапкыр). Бисмилләәһир-рахмәәнир-рахиим. Сүбехәәнәкә Раббикә Раббил гыйззәти гәммәә йәсыйфүүн. Вә сәләәмүн гәләл-мүрсәлиииин. Вәлхәмдүлилләәһи Раббил гәәләмиииин. Бисмилләәһир-рахмәәнир-рахиим. Әлхәмдүлилләһи Раббил гәләәмиин. Аллааһүммә салли гәләә сәййидинәә Мүхәммәдин вә гәләә әәлиһии вә сахбиһии вә бәәрик вә сәллим. Йәә Рабби! Йәә Аллааһ! Йәә Рахмәән! Йәә Хәййү йәә Каййүүм! Әй, мәрхәмәтле Аллааһ! Хөрмәтле Коръән Кәрим китабыңның шушы сүрә һәм аятьләрен Синең ризалыгың өчен укыдым. Укыганда булган хата-кимчелек-ләремне гафу ит, киләчәктә Коръән Кәримне дөрес укырга һәм аның буенча яшәргә насыйп ит. Шул аятьләрне укыганда хасил булган әҗер-саваплар минем газиз әти-әнием (Фәлән улы Фәлән, Фәлән кызы Фәлән) үзләре укыган шикелле аларның гамәл дәфтәрләренә изгелек булып өстәлсен иде. Укылган аятьләр һәм кылган догаларым бәрәкәтендә аларның каберләрен нурландырсаң иде, кабер газапларыннан коткарсаң иде. .Әй, Мәрхәмәтле Раббым! Сөекле әти-әнием мине кечкенә чагымда чиксез сөю һәм мәрхәмәт белән тәрбия кылды. Шул изгелекләре өчен аларга әҗер-саваплар язсаң иде, бәндәчелек белән кылган бөтен хаталарын, гөнаһларын һәм кимчелекләрен гафу итсәң иде. Йәә Гафуур! Йәә Рахиим! Әй, Гафу итүче, Рәхимле Раббым! Кыямәт көнендә әти-әниемне бөтен хата-кимчелекләре, гөнаһлары гафу ителгән хәлдә терелтсәң иде. Әхирәттә була торган бөтен газаплардан коткарып, җәннәтләреңә кертсәң иде. Гомеремнең ахырына кадәр алар өчен Коръән укып, сәдакалар биреп, даими догалар кылырга насыйп әйләсәң иде! Раббәнәгъфирлии вә ли вәәлидәййә вә лил мүэминиинә йәүмә йәкуумүл хисәәбе. Раббирхәм һүмәә кәмәә Раббәйәәнии сагыйраа. Әәмиин. Әлхәмдүлилләһи Раббил гәләәмиин. Аллааһүммә салли гәләә сәййидинәә Мүхәммәдин вә гәләә әәлиһии вә сахбиһии вә бәәрик вә сәллим.